Yu a nase na 2018, su siguiente aña mayornan a divorsiá

WILLEMSTAD. Un tribunal na Overijssel a hañé ta tuma desishon den un kaso masha delikado kaminda un yu di 3 aña a bira opheto di nan bataya legal di divorsio den Korte.
Pa kolmo un dje partidonan ta biba na Kòrsou (e mama) i e tata ta biba i traha na Ulanda.
Esensia dje problema ta ki dia i ki ora e yu por pasa serka e mama of e tata.
Pa kolmo e problema ta mas komplia ainda pasobra e mama a piki su yu baha bin Kòrsou kune i no ke retorna Ulanda.
Talbes ta mihó tambe sina pasobra ultimo biaha ku e mama a bai buska e yu serka su tata, nan a kue otro ku sla.
Dia nan a divorsia, e pareha a firma un plan kaminda en prinsipio tur fin di siman e yu ta serka su tata.
Pero awor ta bin e kos: kin di siman ta dependé si e tata tin ku traha djabierne of djasabra kaminda e yu ta for di 9’or serka e tata i djadumingu 6’or e ta bai bèk serka e mama.
Si e tata ke tin e yu un dia den siman, e tin ku regla esaki ku e mama.
Kos a bruwa dado momento ora e mama a entrega un petishon na korte pe muda bin Kòrsou i registré na un Peuterschool.
Sin spera riba un desishon, e mama a para e areglo di bishita despues ku e pareha a kue otro ku sla durante interkambio dje yu.

Ora e muhé no tabata reakshoná riba reklamonan por eskrito, e tata a entamá un wisio sumario pa kondená e mama pa kumpli ku e kontrat sino e tin ku paga un pena di € 250,00 kada bes te un maksimo di € 10.000,- ku e mama tin ku paga.
Korte a bai di akuerdo ku demanda dje tata pe mira su yu tur fin di siman.
E mama no tabata di akuerdo i e litania a sigi den apelashon.
Den apelashon e mama a pidi korte pa rechasa demanda dje tata.
Na su turno e tata a hasi kontra-demanda eksigiendo pa kobra e mama dwangsom di 50.000,- Euro.

OPINION DI WES
E tribunal a husga ku e kontakto ku e yu a pèrdè ta pa falta dje tata.
Aparte di esei e promé wes a tuma un desishon robes pa ordená pa e arego sigi.
E mama ku tata a bati otro den presensia di e mucha te ku ela kai na suela.
E mama ta insisti ku ta e tata a komete agereshon i no ta promé biaha.
Ala fin ala fan e tribunal a rechasá pa stipula un dwangsom di 50.000 Euro si e mama no retorna Ulanda ku e yu di manera ku henter e drama no tabatin resultado.