Deporte
YDK Rodmar Angela a firma ku Dodgers: “Lando” Chirino:”Angela su forsa ta bate”…
Rolando, “Lando” Chirino ku ta scout di e organisashon di Los Angeles Dodgers a informá deporte 5 Star ku nan a firma e pelotero YDK Rodmar Angela.
Angela a firma ku e organisashon di Dodgers na Repúblika Dominikana.
Angela a yega di hunga den varios di nos selekshon na nivel di hóben i tambe el a hunga pa selekshon di Hulanda.
Ku e firma aki tambe e soño di Rodmar ta bira un realidat.
5 Star a kombersá ku Sr. “Lando” Chirino kende a bisa nos ku Rodmar ta un outfielder, i ku su parti fuerte ta su bate.
5 Star ta deseá Rodmar tur klase di éksito den su karera komo pelotero profeshonal.