YDK ku a bai Ulanda den Bapor franses tin sinku aña sin dak riba su kabes

WILLEMSTAD. Gobièrnu ulandes a rechasá e petishon di un YDK kende a pidi ayudo finansiero sosial siendo ku e hòmber tin brasa fuerte pa por traha kría su mes.
E YDK no a bai di akuerdo ku e rechaso i a apelá e desishon i dia 18 di mei e tribunal sosial a dikta su desishon.
Promé biaha ku kolegio munisipal e rechasá petishon pa haña asistensia finansiero sosial tabata na 2015 pero nan a rechasá esei.
Ela laga sinku aña pasá i ela bolbe apelá desishon ofisial.
E hòmber a bolbe apelá pero no por a presentá den korte sino a sigi e kaso via video kaminda e abogado a defendé su kousa personalmente.
Atrobe ela pèrdè e kaso pasobra wes a konstatá ku dia ela mèldu ne lokèt pa daklos nan a bisé mesora ku despues di e fecha ei e no ta bonbiní mas ne lokèt.
Den promé instansia gobièrnu a rechasá e petishon dje daklos pasobra ela lanta bai Ulanda “ku bapor Franses” manera nan tabata kanta ántes.
Esei ta nifiká ku e por a yega Ulanda riba propio forsa i por perkurá pa su mes.
I ku loke te fasilidatnan sosial ku tin na Ulanda no a parse ku e tin limitashon ku a strob’é di forma su bida.
E YDK a insistí ku no ta parotin ela lanta bai Hulanda i ku ela buska un kas pero ku e no a logra.
Simplemente e YDK di Kòrsou no tin su bida bou di kòntròl.
Lei sosial na Ulanda a bisa ku un hende asina pa haña asistensia sosial pero no ta den kondishon pa ‘take care’ di su mes.
E ámtenar na munisipio a splika klaramente dikon YDK no a bin na konsiderashon pa haña ayudo sosial i ku despues di tantu buska ainda e no por haña kas no ta nifiká ku munisipio mester duné kas.
Ademas e tabata sa ku promé ku ela sali Ulanda e mester tabatin un kas di manera ku su protesta no tin pia pa para´riba.