YDK di 27 aña detené komo komplise den asesinato di Peter de Vries

HELMOND. Djamars anochi polisnan na Ulanda den munisipio di Helmond a detené un YDK di Kòrsou di 27 aña komo sospechoso den e asesinato dje periodista Peter R. de Vries.
Alrededor di mitar di dies di anochi polis a areté den un vivienda na Helmond.
Ministerio Publiko ta sospeché di envolvi indirektamente den e asesinato i komo miembro di un organisashon kriminal ku kontra pago tabata kometé asesinato.
Entre otro e asesinato di Peter De Vries dia 6 di yuli aña pasá den Lange Leidsedwarsstraat. E YDK ta será dejn isolashon total i por papia solamente ku su abogado i p’esei hustisia no ta duna mas informashon.
E asesino mes di De Vries kende nan a detene dia 4 di yuli ulimo na Spaña a keda ekstraditá na Ulanda i tin ku keda detené sigur tres luna mas. Pa su kómplise di 27 aña ku nan a arestá mesun dia na Kòrsou tin orden di detenshon pa 90 dia.
I manera por a sospechá, te organisashon dje notorio Taghi a duna òrdu pa Mata De Vries.