Connect with us

Deporte

Yankees hasi otro oferta na Aaron Judge…

Published

on

Aaron Judge.

E GM di New York Yankees Brian Cashman a rekonosé ku New York Yankees a hasi otro oferta na e outfielder estrea MVP di LA Aaron Judge.
Manera ta konosí New York Yankees a hasi un oferta na Judge di $ 213.500.000 pa 7 temporada na final di springtraining di 2022. Judge a ninga e oferta i bira MVP di Liga Amerikana kibrando e rekòrt di homerun di Roger Maris.

Esei a pone ku su balor a subi ainda mas.
Algun dia pasá e doño di Yankees Hal Steinbrenner a sinta kara’kara ku Judge i splika e pelotero ku ta e deseo di Yankees pa e finalisá su karera ku nan.

Yankees a hasi otro oferta na Aaron Judge.

Ban mira kiko lo pasa.

 

Continue Reading

Deporte

Hóbennan a midi forsa den kompetensia di estímulo organisá pa federashon di karate

Published

on

By

WILLEMSTAD – Manera a anunsiá anteriormente, federashon di karate Kòrsou Kuarto a organisá su
promé evento kual a tuma lugá djasabra último den e sala di Johan Cruyf na Mon Repos.

Mas ku 50 hóben den diferente kategoria a partisipá loke a hasi e torneo di estímulo aki un éksito.
E ganadónan di e torneo pa mucha hòmber den kategoria U6 ta Jethro Martis na promé lugá i Jedrick Martis na di dos lugá.
Den kategoria U8 miksto ta Q. Martinez na promé lugá, Queeneshly Decaster na di dos lugá, i Nykien Nunez na di tres lugá.

Den kategoria U10, Zahin Elhage na promé lugá, Gabriel Londono Ruiz na di dos lugá, i Ayden Serberie na di tres lugá.
Siguiendo ku e mucha hòmbernan den kategoria U12 faha abou e resultado ta Dionne Martina na promé
lugá, Jordan Harms na di dos lugá i Justin Schoenmaker na di tres lugá.

Den e mesun kategoria pero faha haltu e resultado ta Jermain Brigitta na promé lugá, Denny Emers na di dos lugá i Devin Schouten na di tres lugá.
Den e kategoria U14 faha abou ta Ivan Gabriel Burgos na promé lugá, D’Jenao Lampe na di dos i Herbert
Pop na di tres lugá.

Den e mesun kategoria faha haltu ta Jermain Brigitta a bai ku e promé puesto, G-
Elliot Sommer-Martina ku e di dos, i Myarlon Otto ku e di tres.
Den e kategoria di kadèt e resultado ta Damir Francisco na promé lugá, Deshaune Gosepa na di dos i Rui Valerio Chirino na di tres. E hobennan den Junior ta Tiago Chirino na promé lugá, Donnevan Hermelijn na di dos lugá i Gerdiony Firma na di tres.
Pa e mucha muhénan e resultadonan ta den kategoria U10, Julaidy Gibbs na promé lugá, Keziah Jones
na di dos i Igmareny Daantje na di tres. Den e kategoria U12 ta Jassi Rohra na promé lugá, L. Raphael na di dos i C. Moesker na di tres.
E mucha muhénan den e kategoria junior a resultá Salome Abbad na promé lugá, Julianna Lopez na di
dos i Linwa Chan na di tres lugá.
CuKarBo ta felisitá na promé lugá tur e hobennan ku a partisipá den e kampeonato di estímulo aki i spesialmente esnan ku a logra un medaya.
Ta bon pa menshoná ku Jermain Brigitta ku ta den e kategoria U14 a wòrdu selektá pa representá Kòrsou den e Kampeonato di Sentro Amerika i Karibe den e klase di peso +55kg na Morelos Mexico dia 2 di mart.
E delegashon lo biaha dia 26 di febrüari i ta regresá dia 5 di mart.
E otro dos atletanan lo ta Luigi
Martina Senior (-84kg) i Gerson Wattilete (-67kg).
E dos karatekanan aki, banda di e kampeonato, lo partisipá tambe den e kompetenshonan di kualifikashon CAC-games.
CuKarBo ta deseá a hobennan aki tur klase di éksito. Un danki spesial ta bai na FDOK i algun spònsòr privá pa por a hasi partisipashon na e kampeonato aki posibel.

Continue Reading

Deporte

Celfriedt Homoet (dfm) lo bisa: “Ban Kòrsou numa !!”…

Published

on

By

Selekshon Di Kòrsou Serie del Caribe.

 

Mester rekonosé ku nos selekshon di baseball ku ta hungando den Serie del Caribe ta hasiendo un trabou sumamente bon.
Apesar di a pèrdè ayera den èkstra inning vs Colombia nos selekshon tin rekòrt di 2 ganá i 2 pèrdí, i un aktuashon sorprendente sigur ku tin e gran mayoria kontentu, paso tin hende ku nunka ta kontentu.
Deporte 5 Star tabata kritiko, i semper lo ta kritiko ora ta trata di deporte kompetitivo.
Nos mester rekonosé ku e aktuashon di nos selekshon a sorprendé nos. Nos a lanta i konosé Serie del Caribe, i si nos por hunga pareu ku e Paisnan fuerte aki ta algu grandi.
Apesar ku nos tin vários Big Leaguer, Kòrsou ta un isla chikí sin un liga profeshonal, i e resultadonan ta tremendo. Nos pitcheo a kue tur hende for di base.
Ta manera un hende a bisa ku nos “Scouting” tabata bon, paso nos a trese pitchernan ku ta yudando nos selekshon. Nos bateo a los, i ounke nos por tabata poko mas oportuno, nos por ta kontentu ku e ofensiva. Defensivamente for di un prinsipio lo mester tabata un parti fuerte, i nos ta demostrando esei tambe. Vários pelotero ta aportando sumamente bon: “Wecho” Schoop, tremendo, Jorge Sulvaran (Palu Jo) a yega di bisa ku ta trata aki di e mihó Schoop den baseball, Roger Bernadina tabata inmenso, fildeando i bateando, Temesch i Soliano sumamente bon, Jonathan Schoop a duna kátedra den defensa, Ray-Patrick Didder di Aruba bon.

“Coco” Balentien su bate no a los, pero ta trata aki di un “slugger”, ku kualke momento por saka e bala. Te awor tremendo nos selekshon, bèrdat nos lo tabata kontentu ku un o dos triunfo, pero di bèrdat nos tur mester ta sumamente satisfecho ku loke nos ta eksperensiando. Mester felisitá: Jedrek Magdalena, CTB, Minister Cijntje, Aska, Licores Maduro, Manager Hainley Statia i su staff boluntario i tur ku a sostené e proyekto aki. Nos ta muri sinsero i honesto. M’a kòrda riba Celfriedt Homoet (dfm) ku semper tabata bisa ora ku softball femenino bai afó i tabata Sali hunga bon. Homoet tabata bisa:”Bisa nan nos ta bai kas. Nos no ta hunga mas !!”…

Hainley Statia.

Continue Reading

Deporte

Ainda: FFK tin di paga “Security” mas ku 30.000 FL…

Published

on

By

Ramiro Griffith.

 

Deporte 5 Star a kombersá un ratu pasá ku amigu Sidney Bito ku ta lider dje grupo ku ta perkurá pa seguridat na futbòl, i e la bisa nos ku te awor nan no a haña sen.
Manera 5 Star a skibi sèn a subi kuenta di FFK, pero ainda tin di paga Security Bito mas ku 30 mil florin.

Ainda debe e seguridat di trabounan ku nan a hasi for di luna di òktober lamentablemente.

Parse ku e yu di Sidney ku ta Sylvester mes a bai ofisina, i a tende ku nan no por hasi nada, paso pagamentu ta maneho di e presidente.
Presidente tin di komprondé si, ku esun den nesesidat ku ta kue un “djòp” tin ku haña su plaka.

Nos ta tur hende tin un salario ku nan por ta trankil hinter luna kuné.

I mester komprondé esei.

Ban spera ku e sèn ta yega security di amigu (nan) Bito…

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login