World Health Organization: Ta konvoka un komishon di emergensia pa atendé ku e brote di Monkey Pox

GENEVE – Tedros Adhanom Ghebreyesus direktor general di World Health Organization a konvoka ayera un komishon pa kuminsá atendé ku e situashon alarmante relashoná ku e brote di Monkey Pox.
E reunion ta bai tuma lugá na Geneve dia 23 di yüni próksimo pa asina tuma un desishon kon lo bai atendé pa konsientisá mundu kon evitá di keda kontagia ku e vírus Monkey Pox.
Tedros Adhanom Ghebreyesus a splika ku ya kaba tin un total di 1.678 kaso kontagio, di kual 1.391 persona a rekuperá i 79 morto relashoná ku Monkey Pox.
E lokual ta alarmante di e vírus aki ta ku na kada persona e ta aktivá diferente forma.
Ibrahima Socé Fall ku ta enkargá ku informashon di detayenan pa World Heath Organization a indiká ku kontinente Europeo ta na gran riesgo di un kontagio di Monkey Pox.