World Health Organization a atvertí ku kasonan di covid-19 a dupliká

VIENNA – Tedros Adhanom Ghebreyesus direktor general di World Health Organization a manda palabranan di atvertensia ku kasonan di Covid-19 a dupliká entre yüni i Yuli.
Tin un oumento konsiderabel di hendenan ku ta keda kontagia i interná den hospital.
Segun Tedros Adhanom Ghebreyesus esaki ta debí na e variante nobo di covid-19 ku yama BA.5.
Ounke ku tin bakuna i tin forma kon atendé ku e vírus aki tòg mester tene kuenta ku e vírus lo bai keda evolushoná den otro variantenan.
Tedros Adhanom Ghebreyesus a splika ku por lo pronto e vírusnan di covid-19 lo no disparsé pero si ta atvertí ku mester bai bek na kana ku tapa boka i mantené distansia.