Working Towards a Sustainable Future

Studiantenan di University of Curaçao, ku estudio Merkadeo, klas 3 mester a organisá un evento ku ta bai tokante e temanan durabilidat, inovashon i entrepreneurship pa e materia “Event Management & Branding”.
E 3 temanan aki ta algu di sumo importansia awendia no pa Kòrsou so, pero tur otro parti di mundu.
Tambe e studiantenan mes mester a soru pa tur kos pa ku e evento aki, for di komienso te na fin.
Pa esaki por a wordu kristalisá, nan a repartí e diferente tareanan den grupo ku nan lider: Merkadeo, Finansa, Research, Food & Beverage i Logistics.
Esaki a siñanan kon pa traha huntu komo team i kon pa tin bon komunikashon.
E evento aki a tuma lugá djasabra 24 novèmber ùltimo den Auditorium na University of Curaçao i tabata karga e nòmber di “Working Towards a Sustainable Future”.
Oradonan invitá pa e atardi informativo aki tabata drs. Guido Rojer Jr., Serena Israel, Any Kirchner, Timo Brouwer i Javier Diaz kual a kompartí nan eksperensia i sabiduria tokante e 3 tópikonan.
Aparte di e atardi informativo aki, e studiantenan a launch nan propio “online magazine”, kual tambe ta kontené diferente artikulo tokante durabilidat, inovashon i entrepreneurship.
E evento aki tabata super interaktivo pa un i tur ku tabata presente.