Wesnan i fiskalnan ku ta atendiendo ku e kaso di Cristina Fernández a pidi protekshon

BUENOS AIRES – Wes Horacio Rosatti presidente di Korte Supremo na Argentina a konfirmá ku ela duna òrdu spesífiko pa polis duna protekshon i seguridat na tres wes i un fiskal ku ta atendiendo ku e kaso di vise presidente Cristina Fernández.
E tres wesnan ku a keda menasa pa simpatisadónan di Cristina Fernández a keda identifiká komo Rodrigo Giménez Uriburu, Jorge Gorini i Andrés Basso.
Den e kaso aki Diego Luciani fiskal federal tambe a haña menasa di morto i ku lo haña protekshon di agentenan federal na su kas i durante dia ku e ta move riba kaya i na momentu ku e tin ku yega su trabou.
Wes Horacio Rosatti a splika ku e kaso ta serio ya ku tin sufisiente prueba ku Cristina Fernández ta esun ku a planeá e kaso di korupshon i malversashon di fondonan públiko na Argentina.