Wes na New York a ninga: Asesino di John Lennon libertat kondishonal

NEW YORK – Dia 8 di desèmber di aña 1980 e famoso kantante di The Beattles John Lennon a kaba di kana ku su kasa Yoko Ono na Central Park.
Na momentu ku John Lennon i su kasa a yega i baha for di su limusin dilanti porta di e edifisio apartamento a bin topa ku Mark David Chapman.
Aparentemente John Lennon i Yoko Ono a topa ku Mark David Chapman prome ku nan a bai kana.
Mark David Chapman a saka un arma di kandela i tira John Lennon sinku biaha den lomba.
Konsekuensia di lokual Mark David Chapman a hasi aki ta ku ela perforá ámbos pulmon di John Lennon i ku ela bin fayesé.
Lokual Mark David Chapman a hasi aki a konmové mundu kompleto ya ku John Lennon tabata un mega estrea.
Mark David Chapman a haña kastigu di bida largu pero komo ku ela komportá su mes bon den prizon ela pensa ku elo por hasi un petishon pa libertat kondishonal.
Aparentemente Mark David Chapman a pidi libertat kondishonal 12 biaha i tur biaha ela keda ninga. Tin indikashon ku na 2024 Mark David Chapman por bolbe hasi un petishon di libertat kondishonal.