Wes na Iowa a dikta ku: Mucha ku a mata hòmber ku a viole mester paga su famia $150.000

IOWA – Na luna di yüni di aña 2020 tabatin un kaso di violashon a tuma lugá na Iowa kaminda un hòmber (37) a violá un adolesente (15).
E adolesente a keda identifiká komo Pieper Lewis i aktualmente tin 17 aña di edat.
Kiko a pasa ta ku despues ku Pieper Lewis a keda violá ela puñala e hòmber ku yama Zachary Brooks ku konsekuensia ku ela bin muri.
Den e kaso aki wes David Porter a dikta ku Pieper Lewis no ta bai sera pero si lo haña un sentensia di sinku aña di libertat kondishonal i tin ku hasi trabou di servisio komunitario.
Tambe lo tin ku paga un famia di su violador $150.000.
Wes David Porter a splika ku e tin ku apliká lei aki teniendo kuenta ku Zachary Brooks tabata esun ku ta kria su famia.
Den e kaso segun lei esun ku a mata lo mester kompensá e famia di Zachary Brooks te na momentu su yunan por yega na edat di por traha.
Tin indikashon ku via e plataforma GoFundMe ta kolektando plaka pa yuda Pieper Lewis paga e famia
di Zachary Brooks $150.000.
Tin indikashon ku te ku awe mainta GoFundMe a kolekta $390.000 pa yuda Pieper Lewis.