Wes na Brasil a suspendé: Ekstraditashon di mafioso Italiano debí ku ela kometé serie di krímen na Brazil

BRAZILIA – E gobièrnu di Jair Bolsonaro a suspendé ekstraditashon pa Italia di e Capo di mafia Italiano ku yama Rocco Morabito mihó konosí komo “Rei di kokaina”.
Hustisia na Italia ta tras di Rocco Morabito for di aña 1995 debí ku e tabata lider di mafia calabresa Ndrangheta.
Tin indikashon ku Korte di hustisia na Turin a kondena Rocco Morabito na 28 aña di kastigu di prizon pero debí ku ela disparsé a bini 2 aña mas di kastigu di prizon ariba.
Korte Supremo Federal a komuniká kaba ku ministerio di eksterior na Italia pa informá ku Rocco Morabito a keda detené for di luna di Mei di aña 2021 lo no keda ekstraditá mas pa Italia.
Na Brazil mes Korte Supremo Federal tin un lista largu di krímen ku Rocco Morabito a kometé i ku elo tin ku bai keda husga pe.
José Vicente Santini Wes di Korte Supremo Federal a indiká ku Rocco Morabito lo por keda kondena na kastigu di bida largu na Brazil pa kantidat di krímen kometé entrenan asesinato, sekuestro, ekstorshon trafikashon di droga i arma.