Wes mehikano a kongelá: Ekstraditashon di Ovidio Guzmán yu di Joaquín Chapo” Guzmán

MÉXICO – Gregorio Salazar Hernández wes federal Mexicano a kongelá ayera ekstraditashon di Ovidio Guzmán un di e yunan di e Joaquín “el Chapo” Guzmán trafikante mas buska pa hustisia merikano.
Militarnan Mexicano a detené Ovidio Guzmán djaweps último na Sinaloa i despues a traslade pa e prizon di máksimo seguridat Altiplano.
E intenshon di parti hustisia Mexicano tabata pa ekstraditá Ovidio Guzmán e siman aki mes pero teniendo kuenta kuantu hende a muri i atakenan feros di parti sikarionan di kartel di Sinaloa e wes a disidí na kongelá e trafikante aki su ekstraditashon.
Wes Gregorio Salazar Hernández a suspendé Ovidio Guzmán su deportashon, ekspulshon, ekstraditashon i su ehekushon di akuerdo ku e ekspediente 2023.
Joe Biden presidente di Merka lo biaha pa Mexico djadumingu pa partisipá den e Kumbre de Las America.
Wes Gregorio Salazar Hernández a para ku e estraditashon di Ovidio Guzmán.
Familiarnan di Ovidio Guzmán por a drenta den kontakto kuné via su abogado ku ta e persona ku por intermediá.
Departamento di Hustisia merikano tabata ofresé un rekompensa di $5 mion pa Ovidio Guzmán for di desèmber di aña 2021.