Wes a kondená polis korupto i pedofil pa méldu na prison

PHILIPSBURG—E pedofil perverso Colin Kristensen (63) i e polis korupto Jerry-Lee Gerardus (46) a haña e mesun kastigu ku tres aña pasá den Promé Instansia.
Ambos kondenado tabata den libertat pa motibunan mediko pero esei no ta nesesario mas segun wes.
Abogado General a pidi korte pa konfirma e kastigu di shete aña ku Kristensen a haña den promé instansia i e kastigu di 3 aña prezu ku Gerardus a haña ta ku kondishon ku durante 8 aña e no por traha komo polis.
E tres wesnan a bai totalmente di akuerdo ku e demanda ounke ku e tribunal tabata di opinion ku no por proba legalmente ku Kristensen a paga bankete, likor i prostituta pa soborné.
Durante e kaso a bin Sali na kla ku e dos akusadonan a krea un amistat mutuo i ku por konsidera e regalunan komo gesto di amistat.
Ounke tin sospecho fuerte ku Kristensen a buska amistat di Gerardus pasobra Gerardus tabata polis i por tabatin informashon balioso,no tabatin sufisiente prueba ku ta Kristensen tabata kontrola Gerardus.
Sinembargo Ministerio Publiko por a proba ku Kristensen a praktiká soborno ora ela kumpra pasashi di avion pa Gerardus bai Kòrsou i a duné un balente suma di plaka.
A kambio Gerardus mester a suministrá informashon riba kasonan ku polis tabata investigá kontra Kristensen plùs mas informashon. Hasta verbal e mester a falsifika kambio di plaka.
E falsifikashon di verbal falsifika tabata riba kasonan di atrako, menasa hende destrui kosnan di su èks kasá i su amigu nobo.
Kristensen a laga Gerardus traha verbal falsifika pa tuma bengansa kontra su èks kasá kende a deskubri ku e homber a abusá seksualmente di nan baby.
E mama a bai polis na Philipsburg ku foto di paña dj’abou di su muhé infante pa proba ku tabata e mesun infante ku polis E señora a kai den shock ora ela mira foto di su yu riba e pantaya di telefon di Kristensen.
Anto pa kolmo ku un homber sunú kara familiar. Mesora reshershe a disidi ku no tin duda ku Kristensen ta un pedofil ku gusta mira pelikula di mucha chikitu y ta satisfase hende grandi seksualmente.
E reshershe a manda un dje videonan di pornografia via telefon pa un kontakto pa trese e muchanan pe.
Dia 13 di februari 2019 wes a kondena Kristensen na shete aña di prizon pasobra ela tene relashon seksual ku un menor di 7 aña, pa distribushon di pornografia infantil, pa asalto kontra doño di e kas
kaminda e ta biba i poseshon di kokaina.
E historia a kontinuia.