Deporte
Wes a disidí ku: Trump tin ku paga $110,000 pa pone fin na falta di rèspèt na fiskal Leticia James
NEW YORK – Wes Arthur Engoron di Korte Sivil na New York a konfirmá ku si Donald Trump paga $110.000 elo ta dispuesto pa pone fin e veredikto imponé di dia 25 di aprel último.
Wes Arthur Engoron a splika ku Donald Trump a falta fiskal Leticia James rèspèt públikamente na momentu ku ela bisa ku elo no entreg’é ningun dokumento di su negoshinan ku e ta hasi na New York.
Donald Trump mester presentá tambe dia 20 di Mei próksimo den sala di korte na New York ku e dokumentonan sino elo por hañ’é den problema serio
ku hustisia segun wes Arthur Engoron.
Alina Habba a señalá ku nan lo bai koperá ku fiskal Leticia James pa asina kaba ku tur e akusashonnan i persekushon di nan kliente.
Fiskal general Laetitia James ta para firme ku Donald Trump lo no bai entrega ningun dokumento debí ku tin prueba ku ela manipulá ku sifranan di balor di su propiedatnan pa asina e por a fia plaka na institutonan finansiero.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
