Wardakosta na Costa Rica a interseptá dos boto ku tabata transportá huntu 3.250 kilo di mariwana

SAN JOSE – Jorge Luis Torres Carrillo aktual Minister di Seguridat Públiko i Minister di Gobernashon i Polis na Costa Rica a konfirmá ku warda kosta a interseptá dos Go-Fast den nan awanan teritorial i ku tabata transportá huntu 3.250 kilo di mariwana.
Tabata trata di dos operativo separá for di otro ku a keda interseptá pa radarnan di Warda Kosta na Costa Rica i ku outoridatnan a aktua di inmediato.
Jorge Luis Torres Carrillo a splika ku e promé Go Fast a keda interseptá bastante serka di kosta Pasífiko Sur i e otro a keda interseptá na bahia de Pavón.
Den e operashon aki un total di 5 suidadano Colombiano a keda detené.
Ta trata aki di un gòlpi duru sigur pa e narkotrafikantenan Colombiano ku ta purba trafiká ku kantidat grandi di mariwana i ku pa e siman aki mes keda kima.