Wardacosta y KPA ta detene indocumentadonan riba tera y laman

ORANJESTAD-Diamars den oranan di anochi e sistema di radar di Cuerpo Policial Aruba (KPA) a detecta un boto cu lo mester a yega tera den oranan di anochi y baha varios indocumentado na tera. Mesora Wardacosta y KPA cu nan unidatnan a bai den accion. Den e busceda riba tera, personal di KPA a detene tres persona den e area di Santo Largo.