Warda di Polis Barber ta dispone di selnan renobá

WILLEMSTAD – Minister di Hustisia Gilmar Pisas huntu ku miembronan di su kabinete i e architekto di Ministerio di Hustisia Dick Suen a bai bishitá e sèlnan renobá na Warda di Polis Barber dia 24 di dezèmber 2021.
E sèlnan aki a keda renobá despues di un periodo di masomenos 5 luna. Minister di Hustisia a mustra riba e nesesidat di e sèlnan ku KPC tin mester di dje, kual a pone ku a aselerá e proseso di renobashon.
Dick Suen a duna splikashon di e renobashon. E la splika ku tin 16 sèl pa 2 persona i 2 pa 1 persona. Tambe tin 2 sèl ku ta isolá for di e otronan pa por si akaso mester haña persona ku un malesa òf un presu ku mester di keda isolá pa investigashon.
Minister di Hustisia a perkurá pa un kompania di seguridat hasi e vigilansia i pa otro siman e sèlnan ta disponibel pa KPC i hustisia.