Internashonal
Wanda Vázquez eks gobernadora di Puerto Rico a keda arestá pa korupshon
SAN JUAN – Wanda Vázquez eks gobernadora di Puerto Rico (2017-2019) a keda arestá ayera pa agentenan di FBI.
Limary Cruz bosero di FBI a konfirmá ku huntu ku eks gobernadora Wanda Vázquez a arestá tres otro persona entre nan eks sekretaria di hustisia na Puerto Rico.
Pedro Pierluisi aktual gobernador di Puerto Rico a bisa ku ningun hende no ta riba lei i ta p’esei agentenan di FBI a detené Wanda Vázquez.
Gobernador Pedro Pierluisi a indika ku tin indikashon ku Wanda Vázquez a risibí miónes di supuesto donashonnan serka un bankero venezolano komo kontribushon pa su kampaña pa gobernador.
Lokual a pasa aworakí segun Pedro Pierluisi ta ku ela gana e elekshon pa gobernador kontra Wanda Vázquez na 2020 i a ordená pa kuminsá ku un investigashon mesora.
Tin indikashon ku tin mas personahe ku kontribuí finansieramente ku e kampaña di elekshon pa gobernador di Wanda Vázquez tambe lo bai keda detené.