Internashonal
Volodimir Zelensky a sigurá ku Rusia a pèrdè mas ku 40.000 sòldá den prome parti di yüni
KIEV – Volodímir Zelenski presidente di Ukrania a sigurá den un video mensahe ayera ku durante prome parti di luna di yüni Rusia a pèrdè mas ku 40.000 sòldá den kampo di bataya.
Ta trata aki di sifranan ekstraordinario haltu konsiderando ku den ningun otro gera ku Rusia tabata aden a pèrdè asina tantu sòldá.
Volodímir Zelenski a splika ku sòldánan di Ukrania tin ekipo nan militar sofistiká pa atendé ku e Rusonan awor. Militarnan di Ukrania tin e suidatnan manera Donbás, Donestk, Lugansk, Lisichansk, Bakhmut i Sloviansk bon protehá.
Ta pesei militarnan Rusonan no a logra avansá.
E opinion ku Volodímir Zelenski tin ta ku Vladimir Putin i su generalnan ta usando militarnan ku ta mal entrená komo karni pa kañon.
Volodímir Zelenski ta premirá ku di e forma ku e gera aki ta bayendo pa fin di yüni Rusonan lo por surpasá 100 mil sòldá ku a pèrdè nan bida den kampo di bataya.