Internashonal
Volodímir Zelenski ta ninga ku nan tin algu di haber ku atentado kontra aliado di Putin
KIEV – Djasabra durante dia tabatin un atentado terorista kontra di Alexandr Duguin di kual su yu muhé identifiká komo Daria Dúguina a fayesé.
Teroristanan a instalá un bòm den vehíkulo di Alexandr Duguin pero debí ku su yu muhé Daria Dúguina a yega i start e outo ela bira víktima.
Tin spekulashon na Rusia ku ta debí ku tin un gera entre Rusia i Ukrania ta kulpa gobiernu di Volodímir Zelenski komo esnan ku a ordená e atentado terorista aki.
Pero di un forma inmediato presidente Volodímir Zelenski a tene un rueda di prensa ayera mes indikando ku e no ta impliká den e atentado debí ku nan no ta un estado kriminal i terorista manera Rusia. Hasta presidente Volodímir Zelenski a manda palabranan di kondolensia pa e ultranashonalista Ruso Alexandr Duguin ku ta e Rasputin di Vladimir Putin.
Andréi Klishas senador Ruso a kalifiká e atentado komo un “atake enemigu” i a bisa ku esnan responsabel pa atentado terorista ku a kosta bida di Daria Dúguina lo bai tin su konsekuensia.