Vladimir Putin i Xi Jinping lo topa dianan 15/16 na Uzbekistán

MOSKU – Andréi Denisov embahador Ruso ku ta stashoná na Pekin a konfirmá ku presidentenan Vladimir Putin i Xi Jinping lo reuní ku otro na Samarcanda, Uzbekistán dianan 15/16 di Sèptèmber.
Andréi Denisov a splika ku e dos mandatarionan lo bai firma vários akuerdo komersial i bilateral ku lo nifiká ku tin negoshi pa hasi.
Otro paisnan ku lo bai ta presente na e Kumbre huntu ku China i Rusia lo ta Kazajistán, Kirguistán, Uzbekistán, Tayikistán, India i Pakistán.
Teniendo kuenta ku Rusia a práktikamente no ta hasiendo hopi negoshi ku paisnan den Union Europeo a kuminsá move mas enpartikular ku paisnan den Asia.
Andréi Denisov a bisa ku un di Rusia su sosionan mas grandi ne momentunan aki ta China.
Mester bisa ku China ta un di e paisnan ku tin hopi poder riba e planeta aki ku no a kondena e atakenan di Rusia riba Ukrania.