Internashonal
Vladimir Padrino López: A konfirmá ku Venezuela lo bai restablesé relashon militar bek ku Colombia
CARACAS – Vladimir Padrino López minister enkargá ku e kartera di defensa na Venezuela a konfirmá ku pa òrdu di presidente di Nicolás Maduro ela keda enkargá pa bai establesé kontakto “di inmediato” ku su kolega Colombiano Iván Velásquez Gómez.
E motibu dikon Vladimir Padrino López lo tuma kontakto ku Iván Velásquez Gómez ta pa restablesé relashonnan militar entre ámbos nashon di un forma organisá.
Tin indikashon ku Nicolas Maduro a tuma kontakto kaba ku Gustavo Petro pa atendé vários tema importante i ku asina por kuminsá atendé ku nan situashon seguridat mas lihé ku ta posibel.