Violadó di yu di kriansa a bai apelá kastigu i a haña mas aña aserka

WILLEMSTAD. Un kaso hudisial ku lo drenta historia penal di Aruba i Kòrsou komo un krimen diaboliko te kaso kaminda un homber ku tabata biba ku mama di un yu muhé di seis aña tabata violá e kriatura sistematikamente pero dia ku hustisia a haña sa dje kaso wesnan di Korte di Hustisia a kondené na 6 aña.
Inisialmente e homber abusador a haña un kastigu di di seis aña pero ela apelá e kastigu i wes a kondené na 7 aña.
Den Korte di Hustisia ela haña un kondena di 8 aña o sea ku segun e kastigu tabata subi, e kondenado tabata baha trapi di fièrnu.
Korte di Hustisia a basa nan desishon riba tambe e otro deklarashonnan i dos otro yu.
E dos muchanan a konta na plaka chikí kon e mama mes tabata asina desgrasiado ku e ta ku e tabata duna e yu biña bebe i supla huma di mariwana den su kara menasando e ku si e no lanta pa e homber haña su plaser, e ta kita su telefon selular.
I si e konta otro hende, e ta kita e sèn ku e tata ta manda pe mucha.
Unabes ku e mucha tabata bou di influensia di alkohòl, e tabata fòrsa habri e muchanan su pia pe homber buska su plaser.
E yu awor aki mester tin 15 aña.
E delito ku e homber i mama dje mucha a kometé ku e yu ta realmente horendo pasobra e tabata tene relashon kune komosifuera ta un prostituta e mucha ta.
Ta p’esei wes a bisa na momento di dikta kastigu ku no tin nada ku por bisa na fabor dje homber pa suavisa e kastigu.
E mama tabata laga su konkubina abusá dje mucha muhé den su kas, un sitio kaminda e mester por a sintié alehá di tur maldat. Mama dje mucha tambe a partisipa na e bakanal aki kaminda e mama a tene relashon ku su mes yu. Kuantu mas salvahe e kos por tabata.

KUANTU
KASTIGU?
E wes dje kaso tabatin un problema mental pa disidi kuantu kastigu e ta duna e homber i e muhé.
Pa regla e delito di violashon ta kastigabel ku tres aña di prisòn pero dependé edat dje viktima, e kastigu por ta mas haltu tambe.
Si ta un mucha di 12 aña, e kastigu pa penetrashon ta bira 4 aña.

PERSONALIDAT
PERVERSO

Korte a tene kuenta ku personalidat dje violador i e sikologo ku a saminá su kabes a konstatá ku mentalmente e ta un tiki atrasá pero sa e diferensia entre bon i malu debidamente.
Loke e no por ta pa premirá konsekuensia di su aktonan i si lag’é pa su kuenta e ta sigi abusá di mucha chiki.