Venezuela tambe tin alerta sanitario pa influenza aviar

CARACAS – Gabriela Jiménez minister enkargá ku e kartera di agrikultura i siensia na Venezuela a konfirmá ku gobiernu a deklará alerta sanitario na sinku estado pa influenza aviar.
Aparentemente a bin diskubrí ku na estadonan manera Anzoátegui, Miranda, Nueva Esparta, La Guaira i Sucre a detektá presensia di influenza aviar den finka nan ku tin kriaderonan di galiña i patu..
Entre e medidanan ku outoridatnan sanitario na Venezuela lo bai tuma ta sakrifiká míles di galiña i deshasí di míles di webu ku a keda produsí na e finka nan ku tin kriaderonan di galiña.

Despues ku a publiká lokual ta pasando minister Jiménez a sigurá ku tin ekspertonan i téknikonan ku lo bai atendé ku kontrol pa lokual ta pasando no sali for di man.