Venezuela alivio di sanshon: Maduro i oposishon a alkansá un akuerdo i ku ta deskongela fondonan di Venezuela

CARACAS – E gobièrnu di Nicolás Maduro i oposishon di Venezuela, lidera pa Juan Guaidó a firma na Mexico djasabra último un Akuerdo Parsial pa Protekshon di e Pueblo Venesolano ku tin komo ophetivo prinsipal rekuperashon di rekursonan di Venezuela.
Esaki ta nifiká ku gobiernu di Nicolas Maduro lo bai tin na su disposishon gran parti di e rekursonan ku Merka tabatin kongelá pa sigur algu mas ku 5 aña.
Lokual ku a keda establesé ta ku oposishon i gobiernu di Nicolas Maduro tin ku koperá ku otro i tambe atendé ku gastunan humanitario manera pago di proyektonan di atenshon médiko i reparashon di sistema di koriente na Venezuela.
Aktualmente tin $ 2.700 mion di fondo di Venezuela ku ta kongelá den kuentanan Internashonal pa sanshon di Merka.
E fondonan aki a keda atministrá pa Nashonnan Uni.
Den e akuerdo tambe ku ámbos banda a bai di akuerdo pa yuda un total di 5.2 mion venezolano ku ta biba den pobresa ekstremo.
Di e fondonan kongelá un total di $795 mion ta destiná pa e grupo aki i ku Nashonnan Uni lo bai atministrá i supervisá.