Venezolanonan i Colombianonan: Ta e prinsipal solisitantenan di asilo na Spaña pa di tres aña konsekutivo

MADRID – Estrella Galán Pérez sekretaria general di Cear (Comisión Española de Ayuda al Refugiado) a konfirmá ku pa di tres aña konsekutivo venesolanonan i Colombianonan ta e prinsipal solisitantenan di asilo na Spaña.
Informashon ku Cear tin ta ku na 2020 un total di 71.830 Colombiano i 104.010 venesolano a solisitá pa asilo na Spaña.
Estrella Galán Pérez a splika ku na 2021 e sifra di solisitut di asilo a subi ku kasi 5 % serka Colombianonan i 12 % serka Venesolanonan.
Prome parti di aña 2022 ta kabando i ku tin informashon ku e sifra di solisitut di asilo serka Colombianonan i Venesolanonan a surpasá sifranan di 2020 i 2021.
Sobra nashonalidatnan solisitantenan di asilo ta di paisnan manera Moroko, Mali, Senegal, Peru, Honduras, Pakistan, Afganistán i Nicaragua.
Estrella Galán Pérez a bisa ku Spaña ta e di tres país den Union Europeo ku ta aseptá solisitantenan di asilo.