Vatikano a konfirmá kondena di kastigu di prizon pa e eks presidente di Banko Vatikano

ROMA – Ayera Korte di Apelashon di Vatikano a konfirmá sentensia di kasi nuebe aña i 11 luna di kastigu di prizon pa e eks presidente di “Banko di Vatikano”.
Ta trata aki di kondena pa Angelo Caloia (83) eks presidente di Banko di Vatikano i e abogado Gabriele Liuzzo ku a keda kondena kaba na luna di yanüari di 2021 den promé instansia pa “ Falsifikashon di dokumentashon” i Malversashon di fondonan” di banko di vatikano.
Angelo Caloia i Gabriele Lizuzzo ámbos a haña ocho aña i 11 luna di kastigu di prizon i ademas mester paga un but di 12.500 euro.
E kondena di Korte di Apelashon di Vatikano ta e promé ku a keda dikta pa un tipo di delito finansiero ku ta keda konsiderá komo “irevokabel” .
Angelo Caloia i Gabriele Lizuzzo entre 2001 pa 2008 a bende 29 propiedat di Vatikano na Roma, Milan i Genova bou di preis i pa despues via un empresa fantasma a bende e propiedatnan aki mas karu.