Vários tim interesá den Kenley Jansen…

Informashon ku deporte 5 Star tin, ta mustra ku vários ta e timnan di Grandes Ligas ku ta mustrando interes den e relevista estrea agente liber YDK Kenley Jansen.
Ainda no tin nada konkreto, pero agente dje estrea YDK ta kombersando pa mira kiko lo por ta e mihó akuerdo pa e closer.
Kenley Jansen tin balor despues di un temporada ku Bravos di Atlanta kaminda e la salba 41 wega.
Únikamente e closer di Guardians e dominikano Emmanuel Clase a salba mas wega ku Kenley Jansen den temporada di 2022.
Bravos di Atlanta a bisa ku nan ta deseá pa e regresá, pero tin vários tim mas ku por usa un closer dje kaliber di Kenley.
Su edat posiblemente lo pone ku e no ta bai haña mas ku 2 aña di kontrakt.
Hopi lo preferá di dun’é 1 aña di kontrakt.