Valerie van Heydoorn ta klá pa representá Kòrsou na Guatemala

Willemstad – Queen Making Queens Organization huntu ku Valerie van Heydoorn ta klá pa representá Kòrsou riba esenario international.
Ougùstùs último Valerie van Heydoorn a gana e título máksimo di e sertámen Miss Teenage Globe Curacao i a risibí inmediato e título di Miss Teen Grand Curacao 2022 i lo representá Kòrsou di 7 pa 12 di desèmber próksimo riba esenario international na Guatemala.
Durante e siman na Guatemala, Valerie lo mester kumplí ku seshon di fotografia ofisial i tambe diferente aktividat ku tur e kantidatanan di diferente pais di kual nos sa sigur ku Valerie i Kòrsou ta bai resalta!
E anochi final lo ta 12 desèmber 2022 i por sigui esaki via plataformanan sosial di Miss Teen Grand Universo.
Na e momentu aki ta tumando luga e último preparashonan pa asina nos representante ta bon prepará pa mustra universo kompleto ku Kòrsou tin hopi talento i sigur den e mundu di beyesa.

Hinter e tim di QMQ organization ta hopi orguyoso di nos Valerie van Heydoorn, no unikamente pa su beyesa eksterno pero tambe su beyesa interno i su forma profeshional di komunika i koutiva.
Pueblo di Kòrsou ta keda kordialmente invitá pa sigui tur paso di nos Valerie van Heydoorn via su página di Facebook i instagram. Tambe pa like, comment i share pa asina sostene Valerie.