Usyk ke regresá kategoria Krusero…

E kampeon mundial indiskutí kategoria pisá Oleksandr Usyk ta pensa di regresá e kategoria krusero despues di su kombate di dia 21 di desèmber vs Tyson Fury. Usyk i Fury lo bringa revancha dia 21 di desèmber despues ku Usyk a gana pa desishon mayoritario. Fury a hasi uso dje oportunidat den su kontrakt pa pidi revancha. Usyk ku tabata kampeon mundial indikutí krusero kaba lo ke regresá e kategoria. E tin rekòrt di 22-0, ku 14 triunfo pa via rápido. Echo ta si, ku den e kategoria krusero no tin muchu bòksdó di kalidat. Ekspertonan ta bisa ku e kategoria krusero ta laf.