UN TRABOU HUMILDE POR BIRA UN DESGRASIA PA YDK, TURISTA I PA PAIS KORSOU

Willemstad. Korsou, Sra. a tuma nota e problema di bestia (kacho i pushi) riba kaya a oumenta, den hopi bario nos tin problema aki ku ta kousa molester i peliger pa e habitantenan.
Hopi di nos por tuma nota di e trabou humilde ku hopi Ulandes Europeo ta hasi dor di reparti kuminda na kacho di kaya.
No ta un sekreto ku algun aña atras diferente organisashon a hasi esfuerso pa garantisa bienestar di bestia aki na Korsou.
Un grupo grandi di persona ta skohe konsiente i/of inkonsientemente pa na momento ku e kacho /pushi bira malu i/of no ta interesa den e bestia mas ta tira esaki den mondi of kantu di kaya.
E kacho/pushi aki ta hiba un bida peligroso ku tur risiko i na final problema pa e poblashon.
Organisashonnan manera Dierenbescherming, Dierenhulp, Rescue Paws Curacao, CARF, Kluivert Dog Rescue Center (awe parti di dierenbescherming) i otro fundashonnan ku ta kere firmemente ku bestia tambe ta parti importante di Pais Korsou i mester ser balora.
Esei a hiba hopi organisashonnan di bestia na laga krea mas opvang pa bestia, kampananan di konsientisashon pa minimalisa ku kacho ta wordu maltrata, mata, benta riba kaya. Alabes tambe kampaña di sterilisashon, kaminda tantu CTB tambe a sostene e trajektonan aki.
Dierenhulp a kana hinter un trajekto komo inisiado pa un lei di bestia.
E lei a wordu aproba algun aña pasá den parlamento i e publikashon tin di tuma lugá.
A indika ku no tin sufisiente profeshonal pa hasi e trabou despues ku publika e lei aki i tin solamente un inspecteur di keho ku no tin e poder tampoko pa skibi i reparti but.
I komo sifuera no ta basta , kacho di kaya ta un peliger pa turista i pa YDK mes ku ta sali kas pa kana of rekrea.
Algun Ulandes Europeo ta reparti kuminda ku tur bon intenshon, pero tin ku bin un solushon duradero, struktural i integral (Gobiernu, NGO i Pueblo di Korsou)