Un total di 20 persona a muri kima den un aksidente di tráfiko na Pakistan

ISLAMABAD – Rao Zulfiqar Ali bosero di kuerpo polisial na Pakistan a konfirmá ku ayera tardi a surgi un aksidente teribel riba karetera pa bai sentro di Multan.
Lokual a pasa ta ku un bus di pasahero ku tabatin 26 persona abordo ku tabata bayendo ku velosidat haltu a bai dal tras di un trùk ku tabata transportá gasolin.
Konsekuensia di e aksidente horibel aki ta ku ámbos trùk a pega na kandela.
Un total di 20 pasahero inkluyendo e shofùr di ámbos a pèrdè nan bida den e aksidente horibel aki.
Rao Zulfiqar Ali ta spekulá ku e shofùr di e bus ku tabata transportá pasaheronan a pega soño i bai dal tras di e trùk ku tabata transportá gasolin sin kue brek.