Un morto ta cay atrobe y 25 caso nobo di Covid registra

ORANJESTAD-Segun resumen di DVG di ayera, 42 persona a recupera y un total di 25 caso nobo di Covid-19 a keda registra, di cual 3 ta no-residente.

E cifranan aki ta representa un ‘positivity rate’ bou di nos residentenan di 8%. E cantidad di caso activo di Covid-19 pa ayera ta 288 y cantidad di fayecidonan relaciona cu Covid-19 a aumenta na 157. Forsa na famia di e fayecido.

Datonan ta ilustra casonan nobo di Covid-19 cu un averahe semanal di 26 caso pa dia y un averahe di ‘positivity rate’ semanal di 10% pa dia.

Actualmente na Aruba tin 31 persona interna debi na Covid-19 di cual den ICU tin 7 persona, riba piso general tin 24 persona y na Colombia tin actualmente 23 persona den Cuido Intensivo