Willemstad (C) – Tiki lo por a kere ku nos lo yega na un final asina aki pa loke ta trata e deporte sòftbòl
Kasi na ningun parti di mundu un playoff final di kualke deporte lo ta kaba ku un wega kaminda un ekipo ta pèrdè pa default. Pues den e kaso aki kaminda e no ta ni presentá pa wak si e por kompleto hungadónan pa e por hunga
E deporte di sòftbòl kual semper su weganan final ta karga ku hende pa mira e weganan aki.

Sea pa wak Pichingolo kual semper ta den final gana of wak si Pichingolo ta pèrdè su titulo
Esaki ta hasi e deporte aki un karga ku emoshon i sigur e weganan final.
E kampeonato a kana kaminda ta tin algun retraso den dje i un kampeonato kaminda sigur ta interesante ora tuma nota ku ekiponan i sigur 2 di nan ta buska refuersonan djafó p’asina nan por gana e titulo
Esaki sigur lo a yuda e deporte di sòftbòl.

Por a tuma nota di esaki den kampionato regular kaminda ku Souax sali na promé puesto i sigi pa netamente e ekipo di The Fighting Team kual netamente ta e dos ekiponan aki ku a bin ku refuerso p’asina trata na bira kampion
Pichingolo a keda na di tres puesto i esaki ta pone ku su kaminda es si e ke bira kampion ta poko mas largu.

Esaki debí ku e tin di gana di esun ku ta na di 4 puesto p’asina despues bolbe hunga kontra esun ku a pèrdè entre e number 1 i 2. Anto pa e ora ey bai hunga e final.
Ela sa di sa di gana St.Rosa den 2 wega i despues e fuerte ekipo di The Fighting Team ku a bin ku un picher Colombiana pero Pichingolo no a respetá esaki.
Anto den final a enfrenta e ora ey e team di Souax kende ta gran favorito pa entre otro dos tremendo picher kual ta garantisá pa 70 % pa gana un wega.

Nan ta tin j’Dah Girigori I e picher hulandes Eva.

Pero e promé dos weganan Pichingolo a pasa riba nan.
Pero e di tres wega ta manera un fuku riba dje paso kada bia áwaseru ta kai stroba i daña tereno.
A disidí di programa e weganan 4 dia delantá i esaki a pone ku a programa e weganan pa dia 18 i 19 di Novèmber si tin mester
Pero ta aki tur kos a kuminsá debí ku e kampionato a tarda mas ku tur hende a spera I ta lógika ku gastunan hasi pa esfuerso ta bira mas tantu i nan lo mester bai bek
Tur esakinan a hunga ròl kasi sigur den e play off final aki kual a pone ku e ora ey a bin e asuntu ku no tin hungadó debí na leshon i malesa i a bin ku e proposishon pa hunga e wega final te otro aña kual esaki sigur no por.
Ayera e wega ta programa i Pichingolo a yega vèlt i subi tambe pa umpayer por kanta e game i Souax ta pèrdè pa default
Pichingolo kampion sin hunga e wega final
Un final friu i di hopi berguensa pa nos deporte Sòftbòl