Un etapa nobo????

E diskurso ku minister presidènt señor Eugene Rhuggenaath a tene resientemente pa informá komunidat di Kòrsou tokante e sirkunstansia entre Kòrsou i Ulanda en espesial relashoná ku e petishon pa fiansa, debí na e sirkunstansia deplorabel ku Kòrsou ta pasando aden, e minister a finalisá menshonando ku aki ta trata di un etapa nobo. Frankamente bisá ta komo si fuera minister presidènt ta elogiá e trayekto doloroso, amargo i humiante ku nos gobièrnu mester a kana i ta pint’é komo un logro grandi. Sitando literalmente palabranan di e propio minister presidènt lo siguiente: “Ken por a imaginá ku hustamente riba un dia tan históriko manera 10 di òktober 2020 – kaminda Kòrsou a kumpli 10 aña di su outonomia den Reino Hulandes – nos Parlamento a aprobá un moshon pa sostené e akuerdo aki.