Un entrada number 5 ku ta fatal pa nos selekshon di Kòrsou aya na Haarlem

WILLEMSTAD (C) – Ayera ta e gran dia pa e dos selekshon enfrentá otro kual ta nos selekshon di Kòrsou kontra di esnan di reino Hulanda kaminda tambe tin vários yu di tera ta hunga aden.
Tabata un partido kaminda ámbos ekipo e promé entradanan ta hasi lo máksimo.
Pero ta e selekshon di Hulanda kende ta pika dilanti ora ku nos picheo a flakea i kai den otro i pone ku nan a nota 5 kareda i asina tambe a bira imposibel pa selekshon di Kòrsou por a reakshoná i bin bek den wega.
Si den tur e otro weganan nos picheo ta prinsipal ayera si kosnan no a bai dje bon ey i esaki a kondusí na nos derota.
Pero nos sigur por bisa ku nos a hunga bon den e torneo aki i ku kara na laira nos a duna tur ku tin i un digno subkampion.
Nos selekshon a saka kara i a gana di grandinan manera Merka, Cuba .
E selekshon Hulandes a probechá di un entrada malu di nos pa sina nota 5 kareda pa gana e wega ku skor di 6-1.
Hulanda na komienso di e temporada di e torneo no ta duna muestra ku nan lo a bira kampion.
E ekipo a sufri 3 derota. Kontra di Kòrsou i kontra di Japon i Merka ku a blankea nan.Nan a gana Italia i sorprendé Japon pa bai final
Pero nos mester ta kontentu ku nos selekshon ku a duna bataya i nos a keda na di dos luga.
Nos selekshon a sòru pa sigur e interes lanta aya na Hulanda i pone ku e stadion ta repleto di hende. Ta hopi ta esnan ku a bai wak e wega aki i hopi mester a keda afó paso no ta tin mas luga.
Karchinan ta ser bende na preis hopi haltu na esnan ku ta tin interes i gana pa wak e wega final.