Ún dokter di kas só tabatin 5000 pashènt

WILLEMSTAD. E kaso dje dokter di kas kende durante algun aña konsekutivo a remplasa un otro e dokter pa kende e tabata traha, a revelá hopi kos straño pa loke ta servisio di dokternan di kas na publiko.
SVB na 2021 a honra petishon di dokter X. ku a remplasa otro dokter di kas pa años pero bou di kondishon ku dia e ke bai riba su mes, e tin ku forma sosiedat ku un otro dokter di kas ku no t’esun ku tabata su baas.
Lo rekonosé dr. X basta e forma un HOED (huisartsen onder een dak) pero bou di kondishon ku ni awor ni den futuro e no por kuminsa su mes konsultorio independiente.
E dokter di kas ku dokter X ke forma sosiedat kune tin un lista di 5000 persona pero pa regla SVB ta tolerá un dokter di kas riba su mes di tin 2500 kliente.
Gobiernu a reakshona positivamente riba petishon di dr. X pa traha na Kòrsou huntu ku e otro dokter ku kende e ta bai forma HOED e dokter ku tin e konsultorio ta baha ku penshun.
I pa motibu ku e tin 4000 pashènt registra, mester yena e vasío ku dos dokter di kas na lugá di un. Aki tabatin un diskrepansia gobiernu su regla ta ku un dokter di kas por tin maksimal 2250 pashènt siendo ku SVB ta pèrmiti nan tin 2500 pashènt.

Otro komplikashon ta ku pasobra e dr. X no ta residente i e mester haña dispensashon pa mag traha komo dokter di kas na Kòrsou.