Un dje trafikantenan di hende a indika ku ta piská e ta bende

WLLEMSTAD. Den e kaso kaminda tres Dominikano tabata trafikante di hende kontra pago pa hiba nan Virgin Islands pa yega Merka, muhé di un dje dominikanonan a bisa polis ku ta bendedó di piská e ta.
I ta p’esei e ta regularmente na playa ne partí franses dje isla.
E organisashon tabata chikitu pero efisiente kaminda e pareha dominikano tabata kordiná pa buska e ‘klientenan’ pa hiba nan e boto “Encounter with the Dolphins i tabata kobra e tarifa.
Dia polis a arestá e pareha e muhé a bisa polisnan ku ta piská ku karkó e ta bende for di su kas den Back Street i ku e plaka ku polis a konfiská ta produkto di benta di su merkansía.
Pero straño dje kaso ta ku e pareha dominikano tabatin pornografia infantil tambe riba nan telefon i esei sí ta malamente kastigabel.
E muhé a splika polisnan ku ta su bisiña ku mester ta mes bagabundo, a manda e video pe riba su telefon i ela lubidá di limpia e telefon.
Pa kontrabanda di 4 Brasileño fiskal no a pidi kastigu pasobra ela bai buska nan pa hiba nan un kas mas seif pero a hiba nan un kas robes.
Durante nan operashon di kontrabanda, na september di aña pasá un di nan botonan a bòltu i un tripulante a hoga. Esei a sosode banda di British Virgin Islands.
E pruebanan di fiskal ta basá prinsipalmente riba grabashon di telefon dje muhé dominikano.
E pareha a kumpra dos boto ku no tabata adekuado pa transporte hende sino pa praktiká peska i nan tabata kosta 20.000 i 40.000 dòler.
Ta ku sèn ku nan a gana ku kontrabanda di hende nan a paga e botonan i ekipá nan pa transporta hende.
Nan abogado tabata Safira Ibrahim kende a pidi wes pa apsolvé nan di kulpa den morto dje tripulante pasobra no tin prueba ku ela muri ni sertifikado di difunshon.
E seshon ta sigi otro luna ora abogado Marlon Hart lo djòin e klup pa defende un dje dominikanonan ku a kontraté.