Tweede Kamer te’i bin papia riba sklabitut

WILLEMSTAD – E Komishon di Tweede Kamer pa Asuntunan Interno, riba dianan 13 te 22 di ougùstùs, ta hasi un bishita di trabou na Kòrsou, Boneiru i Surnam. Meta dje bishita ta pa papia ku organisashonnan tokante di e pasado hulandes di di sklabitut. Tambe pa determina te kon leu e pasado aki ta influensia e relashonnan aktual.
E bishita ta sigi despues ku a tuma luga e dos konferensianan di mesa rondó ku e komishon a organisa anteriormente e aña aki. Na e konferensianan a partisipá organisashon ku na Hulanda Oropeo ta atende ku e pasado di sklabitut.
Di e forma aki, e komishon ta prepara su mes riba e debate ku gobièrnu tokante dje rapòrt di e Grupo di Dialogo Pasado di Sklabitut. E debate ta tuma luga mas lat e aña aki, despues ku gobièrnu a tuma un posishon tokante dje resultado dje investigashonnan i tambe e konsehonan.
E komishon pa Asuntunan Interno a rechasá un proposishon di e komishon pa Relashonnan di Reino. E último aki ke investiga kon otro paisnan ta atende ku nan pasado colonial. Tambe e Komishon aki ke sa si e paisnan enkuestion a pidi despensa si of no i si tabatin pagonan di di kompensashon.
‘’E komishon ta gradisi e Komishon di Relashonnan di Reino pa nan oferta, pero no ta hasi uso di loke ku e ta ofresé’’.

PROGRAMA
Gibi Bacilio, di Plataforma Sklabitut i Herensia di Sklabitut a bisa NOBO, ku pa medio di e Representashon di Hulanda na Kòrsou, e organisashon ofisialmente a risibi partisipashon di e bishita aki. E miembronan ke pone nan mes personalmente na altura, loke ta biba den e paisnan ku nan a kolonisa. Nan ke sa kiko realmente ta e impakto riba e hende di awendia. Asina Bacilio a remarká pa NOBO.
Segun Bacilio, den kuadro dje bishita dje Komishon di Tweede Kamer na Korsou, lo tin diferente aktividat, enkuentro ku eksperto i hende ku ta atende ku e tema di sklabitut. Pero tambe e parlamentarionan hulandes lo papia ku habitantenan di bario. Riba e programa tin tambe oportunidat pa sera konosi mas miho ku e lucha di Tula. Dia 17 di augustus, e delegashon hulandes ta bishita Rif, kaminda ku ta konemora e lucha di Tula.

PREPARA
Gobiernu i Parlamento mester prepara bon pa komunika ku e komishon di Tweede Kamer. No mester ta asina, segun Bacilio ku ta ora ku ta sintá dilanti di e Komishon ta disidi kiko ta bai bisa. Bacilio ta kontentu ku algun tempu pasa Parlamento a risibi informashon tokante dje tema, durante di un presentashon na na Staten.
Ademas di gobièrnu, Universidat di Kòrsou, Sefba i eksertonan tambe ta forma parti di e programa di e Komishon pa Asuntunan Interno di Tweede Kamer pa Asuntunan Internoesenta poko dia ei den parlamento.
Nos ku esnan ku ta atende kue tema, ta preparando. Tin movishon anandano, wak ku por invita habitantenan ku a partisipa den e programa di bishita di e parlamentarionan hulandes.