Turkia lo no a aprobá pa laga Suesia i Finlandia drenta OTAN

ANKARA -Turkia ta mantené firme su posishon di rechasá su atmishon di Suesia i Finlandia den OTAN (Organización del Tratado del Atlántico Norte) ku ta nifiká ku nan lo no duna lus bèrdè.
Esaki a keda komprobá pa Huseyin Bagci hefe di Instituto di Polítika Eksterior di Turkia ayera tardi.
Huseyin Bagci a splika ku presidente Recep Tayyip Erdoðan ta para firme ku elo no firma ningun aprobashon durante e Kumbre na Madrid pa aprobá pa Suesia i Finlandia keda atmití komo miembro di OTAN.
Segun analistanan otro miembronan di OTAN no ta kibrando kabes ku Turkia pa bo motibu ku of sin aprobashon di Recep Tayyip Erdoðan Suesia i Finlandia lo bira miembro di OTAN tog.
Lokual ku si ta garantisá ku no ta probabel ku Suesia i Finlandia lo bira miembro di OTAN mas pa e aña aki. Den prinsipio Turkia no tabata oponé pa Suesia i Finlandia bira miembro di OTAN pero ta debí ku e dos paisnan aki no kier entrega Turkia teroristanan di partido PKK (Partiya Karkerên Kurdistan) a tuma e posishon aki.