Internashonal
Turkia a bombardiá un region na Siria den akto di represaya pa e atentado na Estambul
ESTAMBUL – Farhad Shami bosero di armada na Siria a konfirmá ku ayera avionnan di kombate di Turkia a bombardiá e region ku yama Kobane na Siria.
Esaki ta debí na ku e Yihadistanan di Estado Islámiko a kometé e atentado na Estambul kaminda seis persona a muri i 81 a resultá herida.
E terorista yihadista ku outoridatnan na Turkia a detené kómplise den e atentado na Estambul a basha abou ku e teroristanan ta skonde na e region di Kobane na Siria.
E lugánan ku e avionnan di kombate di Turkia a ataka ta Dahir al Arab i Al Beilonya ámbos luga ta habitá pa teroristanan di Estado Islámiko.
Farhad Shami a splika ku e òrdu pa kometé e atentado na Estambul a keda duna for di Kobane na Siria.
Lokual a pasa ayera despues di e atentado aki ta ku e luga kaminda e teroristanan tabata skonde a keda kompletamente destruí.