Deporte
Tur kos ta mustra ku: “Golden Boy” lo firma Terence Crawford…
• Tur kos ta indiká ku Oscar de la Hoya di “The Golden Boy Promotions” lo por yega na un akuerdo ku e bòksdó kampeon mundial Terence Crawford.
Terence Crawford tin rekòrt di 39-0, ku 30 nòkout.
Apesar di su bon rekòrt, Crawford no ta bringando e peleanan ku hopi hende lo ke mir’é bringa. Crawford tabata firmá ku Bob Arum.
Oscar ta pensa ku e lo monta promé un pelea entre Terence Crawford i Alex Rocha ku tin rekòrt di 22-1, ku 14 nòkout.
Rocha di 25 aña ta di tres riba ranking mundial.
Tambe Oscar de la Hoya ta papia posibilidat di un kombate vs Vergil Ortiz Jr., i finalmente vs Errol Spence Jr.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
