Tur hende por keda serka su dòkter di kas di 65 aña òf mayó

WILLEMSTAD – Kontrali na loke ku gobiernu a disidi, ku entrante 1 di januari 2023, no ta prolonga kontrakt di ningun dokter di kas ku a kumpli 65 aña, hues a dikta ku esaki no ta tuma luga.
Gobiernu a tuma desishon aki tempu ku Suzy Römer tabata minister di salubridat. Dokter Rob Spong, ta un di e 20 dokternan ku a entama e kaso kontra di gobièrnu, huntu ku e Asosashon di dòkternan di kas.
Dokter Spong a bisa ku ta trata di un veredikto ku ta indika ku dokternan di 65 aña i mas ariba por sigi ofrese servisio na tur kliente i seguradonan di SVB.
Dos aña pasá diriepiente a konfronta e dokternan di kas ku e lei ku Suzy Römer a introdusi.
Dòkternan riba 65 aña no ta bin na remarke mas pa haña un kontrakti di kuido di SVB. Esei ta nifika ku pashènt di tur dokter riba 65 aña mester skoge un otro dòkter di kas. Edat tabata e kriteria ku gobièrnu a usa. E motibu pa yega na esei, ta pa spar sèn.
E INTENSHON
Originalmente segun dokter Spong, gobiernu a remplasa e speshalistanan na hospital pa speshalistnan ku e ta tuma den servisio, pa spar sen. Konsekuentemente gobièrnu a introdusi e medida aki pa tur dunado di kuido na Korsou, entre otro dokternan di kas i fysioterapeutnan.
E dokternand i kas a mustra hues riba e hecho ku esaki ta un medida ridikulo, pasobra no ta sar ningun debchi ora bo ta rempalsa un dokter di kas 65+. Dikon?
E tin di haber ku un sistema di pago di un dòkter di kas.
SVB ta paga e dokter di kas un tarifa fijo pa ana, pa tur pashent inskribi riba nòmber dje dokter.
‘Si bo remplasa ami pa un dokter mas hoben, bo no ta spar nada, pasobra e sen ku SVB mester paga pa e kuido ta keda meskos’.