Tur aña 7000 turista belga ta bishita Kòrsou i esei mester bira mas

WILLEMSTAD. Djasabra ultimo e promé buelo di Belgian Air a aterisá na Kòrsou pa dje forma aki ofrese mas akseso na biaheronan di Belgika i Europa pa nos isla via Martinique.
E meta ta pa gradualmente e kompania transportá mas pasahero pa Kòrsou for di nan base ku ta kumbiniente pa ulandesnan ku ta biba den sur di Ulanda.
Ta mas fasil alkansá Brussels South Charleroi na Belgika ku pa yega Schiphol.
I vice versa for di Breda i Maastricht e biahero por ta den 90 minit na aeropuerto Charleroi.
Otro bentaha ta ku fakansi eskolar na Belgika i Ulanda no ta kai simultaneamente di manera ku biaheronan ulandes por biaha pa menos plaka for di Belgika ku for di Ulanda.
Pa via ku e buelonan dos biaha pa siman ta pasa via Martinique, esei ta favorabel pa Kòrsou pasobra nos pais a haña dos destino aserka,
Belgika a bira despues di Ulanda e segundo destino pa biaheronan for di Kòrsou.
Biaheronan ku yega South Charleroi Airport na Brussel por hasi konekshon pa komo shen otro destinashon europeo.
Nan por yega Paris fasil ku outo.
E buelo di Air Belgium ta komparabel ku e buelo di KLM for di Ulanda ku un parada na Sint Maarten.
E kompania belga ta konosí pa su servisio abordo i ta ofresé tres klase: Economy, Premium i Business.
Nan ta bula e ruta ku Airbus A330-900neo.