Trump i su yunan mester bai testiguá den korte di hustisia na New York

NEW YORK – Wes di Korte Supremo di New York a rechasá e petishon di eks presidente Donald Trump
(2017-2021) pa evitá di testiguá huntu ku su dos yunan den un investigashon riba práktikanan komersial ku no tabata korekto.
E magnate Republikano i su dos yunan Ivanka i Donald Trump Jr. mester kontesta preguntanan bou di huramentu den Korte di Apelashon.
Donald Trump a trata na evitá di bai keda interogá riba kuestion di su asuntunan finansiero di su empresanan serka fiskal general Leticia James for di dia 26 di mei último.
Den kaso ku ela faya di tur manera ku hustisia i awor si kaminda a kaba pa Donald Trump huntu ku su dos yunan.
E tim di abogadonan ku Donald Trump a kontratá a lucha durante algun luna pa evitá ku Donald Trump i su yunan mester keda interogá pero speransa a kaba di evitá di keda interogá.
Ta opvio ku Donald Trump a laga kamuflá sifranan di balor di su propiedatnan pa fia plaka serka institutonan finansiero na Merka i den eksterior pa sigi hasi negoshi.
Ta trata aki di un mal práktika ku por bai afektá Donald Trump su reputashon den mundu negoshi si e bèrdat Sali na kla.