Trump a señalá ku agentenan di FBI: A hòrta tres pasaporte diplomatiko di dje durante entrada hudisial na su residensia

WEST PALM BEACH – Donald Trump eks presidente di Merka (2017-2021) a denunsia ayera ku agentenan di FBI a hòrta tres pasaporte diplomatiko di dje durante entrada hudisial na su residensia na Mar-a Largo.
Segun Donald Trump na momentu ku agentenan di FBI a drenta den su residensia a desaktiva su sistema di kamara i alarma i despues a bai ku tur aparato ku por a filma algu.
Donald Trump a splika ku e no tin prueba pero ta sigur ku ta agentenan di FBI a bai ku su tres pasaportenan i ku esaki ta strobe ku e no por biaha pa eksterior.
E eks mandatario a splika ku Merka a bira manera un pais di terser mundu kaminda tipo di kasonan asin’aki ta pasa.
Via abogadonan Donald Trump a kontratá ta buskando manera pe e haña su pasaportenan diplomátikonan aki bek.
Lindsey Halligan ku ta e abogado ku ta representá Donald Trump na West Palm Beach a bisa ku lokual FBI a hasi ta kontra di konstitushon.
Ningun agente di FBI tin e outoridat pa realisá un entrada hudisial na residensia di un eks presidente i pa kolmo ta hòrta su pasaporte tambe.