Trump a bisa ku manera e gana elekshon elo goberná Merka manera un diktador

WASHINGTON- Donald Trump ku ta e kandidato ku tin mas chèns di gana elekshon presidensial pa e partido Republikano na Merka (2024) durante su aparishon ayera a manda un mensahe bastante fuerte den direkshon di trafikantenan di droga.
Ta lamentabel pa bisa pero Donald Trump tin rason debí ku manera Joe Biden a bira presidente di Merka kasonan di morto relashoná uso di droga a oumentá ku 300 porshento.
Donald Trump tabata bastante agresivo den su manera di presenta ayera ora ela bisa ku e tin sigur ku elo gana elekshon presidensial na 2024 i ku lo bai goberná Merka manera un diktador.
Manera Trump asumí poder elo saka Joe Biden na mal òrdu for di Kas presidensial i prome mishon ku e tin ta pa atendé ku e trafikantenan di droga.
E presentashon di Donald Trump a tuma lugá na America First Policy Institute kaminda tabatin un grupo grandi di fanátiko ku a bin presensia lokual e eks presidente tabatin di bisa.
Donald Trump a splika ku hendenan na Merka ta esnan ku ta konsumí mas tantu droga ku hinter e poblashon mundial i manera e bolbe yega na poder elo laga ehekutá delaster un trafikante di droga manera diktadornan na China i Filipinas ta hasi.