Trinidat spliká di moda (bastante) simpel

Tèstamènt Nobo ta yama Dios Trinidat. Den e di dos lektura di awe, por ehemplo, Pablo ta ofresé Korintionan su despedida ku e bendishon di Dios, Hesus i e Spiritu. E Evangelio di Mateo ainda ta mas eksplísito. Hesus ta manda e disípulonan pa batisá “den nòmber di Tata, di Yu i di Spiritu Santu”.
E liña akí ta aparesé den tur vershon antiguo di e teksto den e promé tekstonan manera e Didache. Otro ehemplo ta aparesé den 1 Pedro 1, 1-2, ku ta kontené un teologia eksplísitamente trinitaria di salbashon. Aunke e detayenan a tuma siglonan, e naturalesa trinitaria di Dios tabata kla pa hopi kristian primitivo.
E Tata tabata Kreador trasendente, e ser inspirador, asina grandi ku hasta kola di su mantel tabata yena Tèmpel den vishon di Isaías 6, 1. Tabata E ku a hiba Israel di sklabitut pa libertat i esun ku a restourá Israel repetidamente ora nan a rebelá.
E Tata tabata e “Todopoderoso”, gobernante di shelu i di tera, Adonai den Skrituranan hebreo i kyrios entre hudiunan ku tabata papia griego.
E Yu tabata Hesukristu, e sirbidó obediente, glorifiká i sintá na man drechi di e Tata. E lo bolbe den algun momento futuro para huzga bibu i mortonan. Denter di un generashon di morto i resurekshon di Hesus, e promé kristiannan tambe a yama e Yu kyrios, mirando den djE “komo yu di hende” di Dn 7,14 ku a kompartí atributonan di Tata.
E Spiritu tabata e esensia di e Tata, literalmente, su “aliento vital”. Tabata e “aliento vital” di kua Moises a papia, a resusitá Hesus entre mortonan i awor e tabata disponibel pa kualkier ku lo a risibí boutismo. E “bida-aliento” ta e “bida eterno” di e Evangelio di awe: “Pasobra Dios a stima mundu asina tantu ku El a duna su úniko Yu, pa tur esnan ku kere den djE no bai pèrdí, ma haña bida eterno”. E Spiritu mester a ser hundí den e kandela di Sinaí i e pashon di Kristu.
Loke por pèrdè den e teologia elegante akí ta ku Trinidat no ta aktua únikamente pa e propio gloria di Dios, sino pa forma un pueblo, ya ku Santísima Trinidat ta e mihó komunidat.
Ku humanidat a haña den Dios den e tres maneranan aki tabata opvio pa e promé kristiannan. E pregunta ku a tuma siglonan pa resolvé tabata: “Dios ta realmente manera esaki, òf ta debilidat di e mente humano ta loke ta hasi ku Dios ta parse di e manera akí?” Ku tempu, kristiannan a yega na rekonosé ku Dios realmente ta un Trinidat.
Parafrasiando Atanasio di Alejandría, e Tata ta un fuente, e Yu ta e awa i e Spiritu ta e bebida ku nos ta tuma. Kada un ta hunga un papel den kada akshon divino. Tambe nos por papia di Dios Tata komo Kreador; Dios Yu komo Redentor i Dios Spiritu komo Santifikador.
E kreador kósmiko a terminá na traha ku e promé hòmber i e promé muhé. E Todopoderoso i miserikòrdioso a yama Moises pa establesé Israel. E Tata a reskatá su Yu di morto i a duna lus na Iglesia pa e don di e Spiritu.
Henter kreashon ta ekstendé su mes for di un komunidat trinitaria. Pa kristiannan, esaki ta e berdadero naturalesa di e realidat. No tin Dios solitario ni humano sino amigu. E amor ku Trinidat ta kompartí riba su mes ta e legítimo herensia di kada persona.
Si e fiesta di awe ta siña kualkier lès, ta ku alehamentu ta un sakrilegio i un alienashon, un blasfemia. Kristu ta atraé na su disípulonan e amor di Tata únikamente pa manda nan den e Spiritu pa buska esnan pèrdí i yama nan na kas. Ta pesei e esensia di Santísima Trinidat ta ser miserikòrdia.