Tribon a ataka i morde pia di mucha na kosta Sur di Florida

KEY WEST – Un famia a bai dibertí na playa di Key West kaminda ku den e temporada aki sa tin tribon ta yega hopi serka di kosta.
E famia tabatin nan propio boto i e yu hòmber mayó ku yama Jameson Reeder Jr. a bula den laman pa bai snòrkel.
Na dado momentu e famia a nota ku tabatin un tribon hopi serka di Jameson Reeder Jr. i nan a kuminsá grit’é pa e subi e boto bek.
Pero esaki no a resultá i ku e tribon di 8 pia a morde Jameson Reeder Jr. formalmente.
Den e kaso aki e tata di Jameson Reeder Jr. a bula den laman i reskatá su yu i asina bai kosta bek kuné pa buska manera via helikòpter transporte pa un hospital.
Pa suerte outoridatnan na Key West a logra via di un helikòpter transportá Jameson Reeder Jr. Nicklaujs Children’s Hospital na Miami.
Pa skapa bida di Jameson Reeder Jr. dòkternan na Nicklaujs Children’s Hospital na Miami mester a amputá su pia.
Florida Fish and Wildlife Commission a emití un komunikado ku ta prohibí aktividatnan di sambuya i snòrkel na Key West kaminda Jameson Reeder Jr. a keda ataka pa tribon.